睇戲

放工後覆返約去睇戲的Mandy，等她放工，去左灣仔電腦城行一圈，之後搭地鐵會合。先去APM度買飛，本來想睇「太陽倒數」，但係無得睇，之後揀左「搞乜鬼大製作」。

買完飛去揀左食肯德基，食左一號晚餐，薯格＋兩件雞＋粟米＋蕃茄湯。Mandy食左一份三號餐，塊雞扒好似pizza咁大塊，初時以為係火腿pizza．．．個餐仲配意粉＋蕃茄湯，唔知杯汽水係咪跟埋呢，因為全部都係佢買:P．．．

講返套戲，套戲超爆笑，達聞西，X-MEN，獅子女巫魔衣櫥最多景，毒蛇客機，中間仲有好多RAP，大部份睇過戲的人都會覺得好笑呢～

「搞乜鬼」都係炒埋一碟，又要令人回味的片呢～～

短片一拍1

今日被邀做臨記一名，原因係IVE舊同學Charis(原英文名Mandy)需要拍一短片作為功課，所以整日交了給她。今日下午才起身，被Charis叫醒就去新都城Food Court準備，因為未準備好劇本，所以我就坐在一旁等寫好，好在Charis+他的哥(演員之一)買了許留山之芒果糯米糍留給我，作為今日的早餐:P。

劇本寫好了一部份，去隔離既寶康公園作為外景，拍了一個多鐘，兩點多才去食午餐，午餐當然也是拍影的一部份呢，(天下無免費的午餐，哈哈)，我地去左新都城的Pizza Hut吃個下午餐了，吃了一個細pizza，一個寬條麵，一個魚柳意粉，一個拼盤（腸仔＋肉圈＋雞翼），好豐富，三人食四套餐:P

食完後，去街巿買了一枝玫瑰作為道具，我第一次送花比女仔咋～哈哈，拍戲吧，我還未送過花給心儀的女仔呢～嘻。拍到無電，就完了今日既拍攝呢～

晚餐mum煮了一大鍋銀針粉，當然唔少得加一D米之寶買的麻辣醬呢，加了一茶匙，ｗｏｗ左出黎，麻到成碗清湯都飲唔晒．．．