Megabox

星期六與家人去見識Megabox，初時只是認為Megabox是一個有一個比又一城大的溜冰場而比較偏遠的商場，去到之後更"歎"為觀止。

今日，我們一家四口、外婆共五人到了酒樓品茗，之後還剪了髮，大熱天時應該越短越好呢～剪完頭約了我家人和Vicky到地鐵站前去九龍灣。

去到九龍灣站前，從地鐵車廂內已經望到那座低層紅卜卜的商場，看來不是很遠，但知道有免費穿梭巴士直達Megabox，我們就匆匆到德福商場排著隊，彎彎曲曲，龍尾都不知道排到哪裏去．．．雖然龍頭不知哪裏，但跟著前人走著走著，很快就到上車處，車程需20分鐘。

到了商場內，人頭湧湧，我們一直找路上最頂層，商場內有一層美食廣場，一個很大的溜冰場，一個很大的傢俱雜貨，一個很大的電器舖，舖內還有一個104吋電視機，不知有沒有人買的呢～哈。

令我最"歎"為觀止的，不是有一個世界級的溜冰場，而是美食廣場的消費真的是很慨歎，一個普通漢堡包餐也要30-40元(回到家和DeepC也msn了一番，也說那裏比較消費高，到德福吃罷)。當然我們去到後也是這樣想，遊完Megabox，我們已決定到我之前和峯試過的「翡翠拉麵小籠包」和家人再試。

茶(任飲，盛惠$2)

五香牛展

酸辣湯拉麵

水煮牛肉拉麵

上海小籠包

菜肉雲吞湯

嫩雞煨麵

「翡翠」盛惠$249，吃過飯後，我們一家到回到新都城一期吃糖水，五碗糖水，2個什果涼粉、2個芒果西米、1個露蜜瓜西米露，盛惠$50(10@)。

Lotus Notes

今日終於有電郵戶口了，不過係食飯前．．．好在同事給我PowerBuilder的筆記給我研究，善用了上半日呢。

今日都是落去樓下警察總部城軒午膳，也是食了幾次的燒鴨瀨粉，正，燒鴨配瀨粉，係燒味最佳配搭～

食完飯後掛住玩Notes，還發現擁有一個@police.gov.hk的電郵地址呢:P

下午3點多，同事Terry話點糖水，還叫我寫名點糖水先，心諗，係唔係新黎新"G"肉呢．．．不過我有D心寒呢，叫滿記喎，AA都唔平呢，還要15個Team members...我叫左個椰汁西米露涼粉，最後都係Terry請，總共＄３７３呢。

西貢海鮮團

美食blog又來了~~

今日好晏起身，食外賣茶餐廳B餐意粉，今日即牛扒紅腸意粉＋中湯＋熱華田，食完玩一陣電腦。咁就完左上下午了，訓同食．．．

到左4點鐘，準備去西貢開第二餐呢，好似為左呢一餐而HEA左大半早～哈，約左5點，我5點半先去到西貢，到左碼頭，參加海鮮團團員有我(Lou)，阿欣，Horace，阿Nick，阿偉，由阿Nick做買手，ｗｏｗ，阿Nick識賣海鮮的艇家，阿欣稱之為假漁民(因為可能係西貢海鮮酒家的人將海鮮放在艇上叫賣．．．)，我地揀左瀨尿蝦，桂花蚌，海青班，東風螺，龍蝦仔，最記得個賣海鮮佬同阿Nick講"你上次都食過啦"，心諗，你咁好記醒架，又話好多人買過野好難記，哈。去到酒樓，將材料變作椒鹽瀨尿蝦，油鹽水煮桂花蚌，清酒煮東風螺，清蒸海青班，芝士龍蝦仔加伊麵底，再加兩個餸，一個清菜心，一個薑葱蠔，五個人食，最後還有桂花糕同生果盤呢～海鮮餐盛惠$170一位。







更多圖片



之後行左一陣，提議去滿記食甜品，一人叫左一碗糖水，再加一個芒果班㦸同榴槤班㦸一齊食。我食左一個士多啤梨西米露，有少少酸，不過好特別，應該叫呢個做酸品呢～食榴槤班㦸之前留左少少西米露，因為怕榴槤太膩呢，明智的決定:P；阿欣有八折卡，甜品盛惠$25一位。

短片一拍1

今日被邀做臨記一名，原因係IVE舊同學Charis(原英文名Mandy)需要拍一短片作為功課，所以整日交了給她。今日下午才起身，被Charis叫醒就去新都城Food Court準備，因為未準備好劇本，所以我就坐在一旁等寫好，好在Charis+他的哥(演員之一)買了許留山之芒果糯米糍留給我，作為今日的早餐:P。

劇本寫好了一部份，去隔離既寶康公園作為外景，拍了一個多鐘，兩點多才去食午餐，午餐當然也是拍影的一部份呢，(天下無免費的午餐，哈哈)，我地去左新都城的Pizza Hut吃個下午餐了，吃了一個細pizza，一個寬條麵，一個魚柳意粉，一個拼盤（腸仔＋肉圈＋雞翼），好豐富，三人食四套餐:P

食完後，去街巿買了一枝玫瑰作為道具，我第一次送花比女仔咋～哈哈，拍戲吧，我還未送過花給心儀的女仔呢～嘻。拍到無電，就完了今日既拍攝呢～

晚餐mum煮了一大鍋銀針粉，當然唔少得加一D米之寶買的麻辣醬呢，加了一茶匙，ｗｏｗ左出黎，麻到成碗清湯都飲唔晒．．．