放大假

一年的合約話咁快就完了，話長唔長，話短唔短，中間經歷不少事，碩士畢業，搬新屋，同事陸續跳槽，我也不例外．．．與同事合作很開心，只是去留問題不在於人事，而在於人工。

19號開始，14天連假開始，最開心的是，我竟然放棄了一份比新合約多50%的工，做一份比舊工多50%的工作，對，最高薪的offer比舊工多足150%．．．開心的是我有能力受高薪，只是我願不願意做而已。

午餐＠辦公室

埋黎睇，埋黎揀

上一排考試忙著幹，未有上載相片。
5月2日於公司內午餐，外賣吉野家，舊同事們，你們送給我的杯呢～～找到嘛

做support也要人support

今早收到一個PR(problem report)，即時回應，想不到網頁500 response，那麼就要解決當先問題，先找找同事行第二條路解決，同事也進入不到網頁也沒第二個辦法，那麼，同事打去CHD提出一個PR，我就要等解決那個PR，才到我解決我的PR～～

未出糧

今天已是月尾了，還是未到出糧日呢．．．

回想以前，總是希望月尾的來臨，因為薪水總是在月尾之前已發，現在還要捱多幾天，要月頭「長崎良美」～～幸好我不是太大洗的人，總不會真的長期糧尾，多數會平均分配每星期的洗費，起碼唔會一啖砂糖一啖ｘ，不過新工的第一個月已經洗清了，哈，上完所有課及獎勵自己讀完碩士，把薪水給了家用，出了三分一部N95給弟，買了二部NDS，每日來回對面海（交通費多了一培．．．），沒有甚麼錢剩呢～～

昨晚DeepC笑言說我要結婚，我可以說，我不會結婚的。哈。

愛我的人不要失望，因為不結婚不等於不愛你，結了婚不等於只愛你。有一天你可以感動了我，我會改變的。

返工第三日

Rebecca 30號已經轉左過黎灣仔總部返工，今日約埋食早餐，所以今日一早搭8:40班車，去到差不多Rebecca放工，八點半去左隔離吉野家食早餐，我叫左一份雞扒奄列＋米粉＋綠茶，Rebecca叫左一份牛肉飯餐，佢畀左D我試，(哈，我真係未試過晨早食吉野家牛肉飯架～ｗｏｗ)。

下星期開始五天工作，返8:30-17:18，一入黎就唔洗返星期六(因為星期四至下星期一放紅假，想返都無得返，更想洗唔返，哈)，我諗唔搭8:40班車and又要再早一D了～

下午12:45食lunch，自己一個人食，叫左京醬雞翼米線(堂食)＋熱檸茶(拎走)，京醬汁都幾好味，因為辣辣地:P，食完都係1:30，覺得時間真係快過～熱檸茶有乜用？因為舊同事送畀的杯開光了，哈，洗左幾日都有D味，諗住放落去辟下D味，之後仲飲埋佢tim～:P

食完飯一陣，同事話我會調位坐呢，因為我坐左係隔離team o個面，調位仲好，唔洗坐係走廊門口～yeah~期待中．．．

返工第二日

今日又係食完先返，不過今日少左碗通粉，平左$2，不過多隻太陽蛋(都係好似唔抵咁)。
食完搭返尋日班車，今日巴士過完東隧，就立即落車呀，否則就走過左架～不過落左車都唔近，要行三、四條街，今日差唔多八點半就返到，仲有成半個鐘，好在阿頭差不多時間返到左，入到去office門口(張pass只可以入大門，oh no．．．仲要下星期先入到office...)

今日超得閒，玩下office電話，打下比Rebecca，打畀阿峯(唔記得佢去緊旅行未返．．．因為我搵到佢個info呀，哈)，放工仲打畀君君，睇下佢考成點，唔講都知佢衰晒，哈～

夜晚去左新都城打邊爐，ｗｏｗ，超凍的天氣，加上食火鍋，仲唔ｗｏｗ左出黎～:P

新工第一天

今日食左早餐先返工，好飽，因為食左一份有通粉的早餐，當然唔只通粉啦～哈，大家樂的早餐，我只會覺得雞扒蛋＋蘿蔔糕＋火腿通粉＋熱飲係最抵食(其實食乜都係貴，只係跟阿媽食唔洗自己畀，哈)，食完就去搭690P，七點四十五分，去到灣仔只係三十五分鐘～不過，我係唔識落車，去到中環皇后像廣場咁滯．．．架車．．．無乜站．．．總站好在去到中環廣場，就算訓著左都唔怕，而且今日係reporting day，九點半返去搞手續。不過遲一個站落都要行好遠～好在九點鐘就已經到左Office，今日好多人去報到，係門口等登記。

今日填左好多表，仲有去左影pass，ｗｏｗ，諗起科大個張學生證tim，連埋身份證，八達通，科大卡，呢張應該係第四張晶片了～～都要ｗｏｗ左出黎～哈。

搞左半日，終於到左Office，食飯前仲見埋阿頭，阿頭好得意，傾開D舊project，遲D將佢地砌埋，變成"大笨象"，哈(心入面笑左出黎:P)

食完飯，返到office整埋下自己個位，咁就一day了。

舊工倒數

做左呢份工三年了，今日係倒數１４工作天，剩餘一些手尾，再交低自己既工作，就可以放一個長假期了，３月２４日就是生日，亦是辭工後的第一天，YEAH~，放下假再預備餘下既學期同埋預備新工。

買了ASUS P535

今日已經係17號，個Blog已經被遺忘了４日，星期三"打手指模日"+"情人節"+"新PocketPC phone日"，因為買了ASUS P535，成為左Pocket PC User，而家用緊"Fujitsu T4020"的"Windows XP Tablet 2005"+"ASUS P535"的"Windows Mobile 5.0"，兩個都有Touch Screen~ :P

Apple呀，你遲遲都未出iphone～希望MAC OS + 3G + 3.5G + 10年技術有份幫襯你啦～

仍在研究P535中．．．

來電

星期五突然有電話打黎喎，嚇死我呀，以為出左乜野事，警察部打電話黎... 好事係打黎話有工作機會~~嘩,,真係比佢嚇死~~幾個月之後，差不多都忘記了，先至打黎呢，2月14號去登記呀~~~希望四月去到新工作環境啦~~

唔知道份新工係咪同舊工咁好做呢~~~
重有就係去到6月先至讀完個COURSE呀))))))))