2007年4月2日

新工第一天

今日食左早餐先返工,好飽,因為食左一份有通粉的早餐,當然唔只通粉啦~哈,大家樂的早餐,我只會覺得雞扒蛋+蘿蔔糕+火腿通粉+熱飲係最抵食(其實食乜都係貴,只係跟阿媽食唔洗自己畀,哈),食完就去搭690P,七點四十五分,去到灣仔只係三十五分鐘~不過,我係唔識落車,去到中環皇后像廣場咁滯...架車...無乜站...總站好在去到中環廣場,就算訓著左都唔怕,而且今日係reporting day,九點半返去搞手續。不過遲一個站落都要行好遠~好在九點鐘就已經到左Office,今日好多人去報到,係門口等登記。

今日填左好多表,仲有去左影pass,wow,諗起科大個張學生證tim,連埋身份證,八達通,科大卡,呢張應該係第四張晶片了~~都要wow左出黎~哈。

搞左半日,終於到左Office,食飯前仲見埋阿頭,阿頭好得意,傾開D舊project,遲D將佢地砌埋,變成"大笨象",哈(心入面笑左出黎:P)

食完飯,返到office整埋下自己個位,咁就一day了。

沒有留言: