今天生日,亦係放大假的第一日,放到4月1日~哇哈哈,生日放假真開心~~
一早阿爸阿媽上左大陸,朝早同外婆、細佬去飲茶,好耐無同外婆飲茶,外婆飲完主動拎左張單出去埋,我當然出到去就即刻比錢啦~哈,外婆讓我比錢。
飲完之後返屋企商場,即興買左個一磅黑森林蛋糕,我比住錢先啦(返黎阿媽比返),哈,其實阿媽上大陸前已經比左500大元我做生日~嘻~
夜晚同細佬兩個食KFC~哈哈,又係即興的呢,要搭車去新都城KFC食,我叫左一個3-4人桶餐,兩個人食,十分豐富:P,結果係...食唔晒啦,半桶雞+2薯蓉+2粟米要拎走...
返到屋企抖左好耐都食唔到個蛋糕,等到12點幾同細佬食左少少,留番3/4個黑森林蛋糕比阿爸阿媽執手尾~哈。
PS:買KFC個counter妹妹幾靚靚架,我叫細佬拎外賣盒+膠袋都去個counter~哈~~
沒有留言:
發佈留言